काठमाडौँ । मन्त्रिपरिषद् हेरफेर गर्नुअघि प्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल प्रचण्डले पार्टीको बैठक बोलाउनु भएको छ । प्रधानमन्त्री निवास बालुवाटारमै पार्टीका पदाधिकारीसँग मन्त्रिपरिषद् हेरफेरबारे प्रचण्डले परामर्श गरिरहेको रहेको बताईएको छ।
प्रचण्डले आफ्नो पार्टीको भागमा परेको सामान्य प्रशासनमन्त्री अमनलाल मोदीलाई हटाएर जनमत पार्टीलाई सरकारमा ल्याउने करसरमा भएको बुझिएको छ।
माओवादीका तर्फबाट पर्यटनमन्त्री भएका सुदिन किराँतीलाई पनि हटाएर पार्टीबाट अर्को व्यक्तिलाई मन्त्री बनाउनुपर्ने आवाज यतिवेला माओवादी वतृमा चर्चा छ। यदि किराँती हटेमा माओवादीबाट माधव सापकोटा, हितबहादुर तामाङ र महिन्द्रबहादुर शाहीमध्ये एक मन्त्री बन्ने होड चलेको स्रोतले जनाएको छ।
