काठमाडौं । नेपाली कांग्रेस सुनिल शर्माले सुन तस्करी प्रकरणमा गृहमन्त्री र अर्थमन्त्रीको राजीनामा माग गरेकै कारण आफुलाई पक्राउ गरिएको बताउनुभएको छ ।
प्रतिनिधिसभाको सोमबारको बैठकमा सांसद शर्माले सुन प्रकरणमा गृहमन्त्रीको संलग्नताबारे बोलेकै कारण आफूलाई पक्राउ गरिएको भन्दै आफ्नो अडान कायमै रहेको बताउनुभएको हो । उहाँले अहिलेका गृहमन्त्रीले राजीनामा दिनुपर्ने भनाई कायमै रहेको बताउनुभयो ।
सभासद शर्माले आफुहरुलाई पक्राउ गरिएको बिषयमा गृहमन्त्रीले राजीनामा नदिए अनशन बस्ने चेतावनी पनि दिनुभयो । उहाँले आफुलाई पक्राउ गरेपछि प्रहरीले यातना समेत दिएको बताउनुभयो ।
