काठमाडौं । नेपाली काँग्रेसका सभापति एवं पूर्वप्रधानमन्त्री शेरवहादुर देउवा बुधबार (आज) धादिङ जाने कार्यक्रम तय भएको छ ।
नीलकण्ठ नगरपालिकाका प्रमुख तथा नेपाल नगरपालिका संघका केन्द्रिय अध्यक्ष भीमप्रसाद ढुंगानाका बुवाको निधन भएको तेह्रौं पुन्यतिथिको अवसरमा सभापति देउवा धादिङवेशीमा जाने तय भएको हो ।
संघका अध्यक्ष बुवा सोमनाथ ढुंगानाको साउन १९ गते शुक्रबार १०७ वर्षको उमेरमा नीलकण्ठ नगरपालिका वडा न.८ मनकामना टोलस्थित आफ्नै निवासमा निधन भएको थियो ।
नेपालको लोकतान्त्रिक आन्दोलनहरुमा सक्रिय भूमिका निर्वाह गर्नुभएको ढुंगाना पार्टीको सिद्धान्तको पालना र संगठन निर्माणमा महत्त्वपूर्ण योगदान दिएको उल्लेख छ । उहाँको निधनले पार्टीमा अतुलनीय क्षति पुग्नुको साथै समाजले एउटा अग्रज व्यक्तिलाई गुमाउन पुगेको छ ।
सो क्रममा दिवंगत ढुंगानाप्रति भावपूर्ण श्रद्धाञ्जली अर्पण गर्दै चिर शान्तिको कामना सहित सभापति देउवासँगै नेताहरु जाने तयारी रहेको जनाईएको छ ।
