काठमाडौं । राजनैतिक घटनाक्रम छिनछिनमा बदल्दिदा सरकारको नेतृत्व पनि बदलि रहेको छ । दलबीच एकता होस् या एकतापछि देखिएका अन्तरविरोध र शक्ति संघर्षदेखि नेकपा विभाजन हुँदै एमाले विभाजनदेखि भारत, चीन र अमेरिकाको खेल नेत्र पन्थीले ‘लेफ्ट राइट’मा उल्लेख गर्नु भएको छ ।
करीब दुई दशकदेखि पत्रकारितामा सक्रिय पन्थीले पुस्तकमा सत्ता र शक्तिका लागि उठेका नियत, नियति र नैतिकताका प्रश्नहरू प्रस्तुत गर्नुभएको छ । दलका नेताहरू कसरी विभक्त भइरहेका छन् भन्ने विषय यसमा वर्णन गरिएको छ । एमालेसँग प्रचण्डले आफू प्रधानमन्त्री भए पनि राष्ट्रपति एमालेलाई दिने गरी गरेको भद्र सहमति अमेरिका र भारतको दबाबमा पुरा गर्न नसकेको पुस्तकमा उल्लेख छ ।
२०७९ पुस १० मा प्रचण्डको सरकार गठनदेखि राष्ट्रपति निर्वाचन फागुन २६ गतेसम्म अमेरिकी पक्षबाट श्रृंखलाबद्ध भ्रमण भएको उल्लेख गरिएको छ । चीन वाम गठबन्धन जोगाउने खेलमा लागेको तर कांग्रेस र भारत भत्काउने खेलमा लागेको लेखकको विश्लेषण छ ।
अध्यक्ष ओलीले कांग्रेस सभापति शेरबहादुर देउवालाई भेटेर सत्ता साझेदारी गर्ने र चुनावसम्मै जाने तयारी गरेको तर, कांग्रेसका अन्य नेताले नमानेपछि त्यो प्रयास अघि बढ्न नसकेको साथै अन्य थुप्रै विषयहरु पुस्तकमा उल्लेख गरिएको छ ।
