बुटवल । लुम्बिनी प्रदेशको विकासमा मिडियाको भूमिका र वर्तमान अवस्था विषेयक मिडिया सम्मेलन बुटवलमा शुरु भएको छ । प्रकाशक तथा प्रसारण संघद्धारा आयोजना गरिएको सम्मेलन लुम्बिनी प्रदेशमा पहिलोपटक भएको हो ।
सम्मेलनको लुम्बिनी प्रदेशका मुख्यमन्त्री डिल्लीवहादुर चौधरीले उद्घाटन गर्नुभएको हो। उद्घाटन गर्दै मुख्यमन्त्री चौधरीले मिडियाहरुले प्रदेशमा पर्यटक भि¥याउन आवाज उठाउनुपर्ने, प्रदेश सरकारका राम्रा कामहरुको प्रचार गरिदिने, नराम्रामा काम खबरदारी गर्नुपर्ने र ययार्थ कुराहरु लेख्न आग्रह गर्दै मिडियासँग सहकार्य गर्न तयार रहेको वताउनुभयो ।
लुम्बिनी प्रदेशभित्र रहेका सञ्चारमाध्यमहरुको संस्थागत विकास र व्यावसायिक एकरुपता कायम गर्ने मुख्यउद्देश्यसहित आयोजना गरिएको सम्मेलनमा लुम्बिनी प्रदेशका छापा, विद्युतीय (रेडियो) र टेलिभिजन तथा अनलाइन मिडियाहरुका सञ्चालक एवं पत्रकारहरुको सहभागीता रहेको छ।
विष्णुप्रसाद भुसालको स्वागत मन्तव्यबाट शुरुको भएको कार्यक्रममा बोल्दै प्रकाशन तथा प्रसारण संघ लुम्बिनीका अध्यक्ष नवराज कुँवरले लोककल्याणकारी विज्ञापनको दायरा बढाउनुपर्ने, राज्यले लोककल्याणकारी विज्ञापन सेवा रासी नदिएसम्म श्रमजिबी पत्रकारहरुको न्यूनतम पारिश्रमिक लागू गर्न नसकिने प्रतिक्रिया दिनुभयो ।
अध्यक्ष कुँवरले कोभिड-१९ पछिको अवस्था सबै क्षेत्रमा नराम्रो असर पर्दै जाँदा मिडिया क्षेत्रमा झन नराम्रोसँग असर परेको वताउनु भयो ।
हिमाल खवर पत्रिकाका प्रकाशक कनकमणि दीक्षितले नेपाली पत्रकारितामा वैचारिक संटकता भएको भन्दै पत्रकारले केहि छैन भन्न थाले देश डुब्ने समेत जिकिर गर्नुभयो ।
वरिष्ठ पत्रकार एवं दैनिक पत्रका सञ्चालक बालकृष्ण चापागाँईले नेपाल पत्रकार महासंघले प्रकाशक र प्रकाशनको बारेमा काम गर्न नसकेको वताउँदै, मिडिया नभएपनि पत्रकार भइरहेको बताउनुभयो ।
उहाँले भन्नुभयो महासंघले सदस्यत वितरण गरिरहन्छ । त्यसैले पत्रकारको संख्या घट्दैन । साथै चापागाँईले सञ्चारसंस्थामा जाने विज्ञापन बिच बाटोबाटै गायब हुनाले ठुलो लगानीका मिडिया हाउसहरु दयनीय अवस्थामा पुगेको उल्लेख गर्नुभयो ।
सम्मेलनमा छापा माध्यम, विद्युतीय तथा अनलाइन प्रकाशन तथा प्रसारण संस्थाहरुबाट करिव १२५ जना सञ्चालक तथा प्रकाशकहरुको सहभागिता रहेको आयोजकले बताएको छ।
