मानसिह बिक ,देउखुरी । नेपाल कम्युनिस्ट पार्टी माओवादी सचिब हितमान शाक्यले माओवादीका अध्यक्ष प्रचण्डको नेतृत्वमा सरकार रहेको बेला माओवादीको सरकार जनताको सरकार भन्ने जनतामा छाप बसेकोले सरकारका बिरुद्ध हुने सबै खाले प्रतिगामी शक्तिका बिरुद्धमा रक्षार्थका लागि एक ढिक्का भएर लाग्न निर्देशन दिनुभयो ।
माओवादी सरकार नेपालको जनयुद्ध सफल बनाउन जनबर्गिय सङ्गठनहरुको पार्टीको आधारभुत संगठन भएकोले शान्तिपूर्ण राजनितिमा सबै जनबर्गिय संगठनको परिचालनमा पहिलो प्राथमिकता दिएको बताउनु भयो । शाक्यले नेकपा माओवादी केन्द्रको घर घरमा माओवादी केन्द्र, जन जन माओवादी केन्द्र बिशेष रुपान्तरण अभियानको शिलशिलामा लुम्बिनी प्रदेश पार्टीको आयोजनामा भएको जनबर्गिय संगठनको अध्यक्ष र इन्चार्जहरुको समन्वयात्मक बैठक लाई सम्बोधन गर्दै यस्तो बताउनुभएको हो ।
उहाँले माओवादीको तिन महिने अभियानमा जनताको घर घर सम्म पुगेर गहिरो छलफल गरि पार्टी र नेताहरु रुपान्तरण हुनु पर्ने समेत बताउनु भयो । जनतामा माओवादीको बिचार, राजनितिले समाज आमुल परिबर्तन भएको बताउनु भयो । बैठकमा लुम्बिनी प्रदेशका अध्यक्ष सुदर्शन बरालले लुम्बिनी प्रदेशको पार्टी नया बनाउन र जनताको घर घरमा जानेको लागि कार्य योजना निर्माण गरेको बताउँदै अब लाग्नका लागि लाग्न निर्देशन दिनु भयो ।
बैठकमा स्थायी समिति सदस्य जोखबहादुर महरा, केन्द्रीय सदस्य निर्मल आचार्य लगायतको उपस्थिति रहेको थियो ।
