काठमाडौं । संसदीय सुनुवाई समितिले प्रस्तावित प्रधानन्यायाधिश विश्वम्भरप्रसाद श्रेष्ठको आज (सोमबार) सुनुवाइ गर्दै छ । संसदीय सुनुवाइ समितिको बिहान साढे दस बजे बस्ने बैठकमा श्रेष्ठको सुनुवाई गर्ने समितिले जनाएको हो ।
संवैधानिक परिषदको सिफारिस पछि संसदीय सुनुवाइ समितिमा उजुरी लिने काम भएको थियो । प्रस्तावित प्रधानन्यायाधिश श्रेष्ठविरुद्ध तीन वटा उजुरी परेका छन् । उजुरीमा श्रेष्ठले विचौलीयाको काम गरेको र सातवटा गम्भीर आरोप लागेका किर्ते वैंकका एक पीडक र देशको ठूलो संगठित अपराधमा संलग्न सेटिङ मिलाएर उम्काएको आरोप पनि उनलाई उजुरीमा लगाइएको छ ।
सुनुवाइ समितिले श्रेष्ठको नाम अनुमोदन गर्यो भने उनलाई सर्वोच्च अदालतको नेतृत्व सम्हालने बाटो खुल्ने छ । साउन १८ गते बसेको संवैधानिक परिषद बैठकले श्रेष्ठलाई प्रधानन्यायाधीश नियुक्तिका लागि सिफारिस गरेको थियो ।
२३ साउनमा बसेको सुनुवाइ समितिको बैठकले श्रेष्ठविरुद्ध १० दिनको म्याद दिएर उजुरी आह्वान गरेको थियो । प्रधानन्यायाधीश हरिकृष्ण कार्की उमेर हदका कारण साउन २० गते अवकाशमा गएपछि सर्वोच्च अदालत कामु प्रधानन्यायाधीशको भरमा छ ।
