काठमाडौं । नेकपा (एमाले)का अध्यक्ष केपी शर्मा ओलीले सुदूरपश्चिम क्षेत्रको विकासमा ध्यान दिनुपर्ने बताउनुभएको छ । सोमबार काठमाडौंमा आयोजित स्रष्टा अभिनन्दन तथा देउडा सांस्कृतिक उत्सवलाई सम्बोधन गर्दै ओलीले स्रोत साधनको अधिकतम प्रयोग गर्दै सुदूरपश्चिम क्षेत्रको बिकासमा जोड दिनुपर्ने बताउनुभएको हो ।
उहाँले सुदूरको दुर्गम क्षेत्रमा सवै प्रकारका कनेक्टिभिटी जोड्न सकिने धारणा राख्नुभयो । अध्यक्ष ओलीले आफु प्रधानमन्त्री भएकै समयमा अप्टिकल फाइबर र केवल तार बिछ्याउने कामहरु देखि लिएर सबै जिल्लामा फोरजी सेवा उपलब्ध गराउने काम गरेको र यसलाई सुदृढ गर्न जरुरी रहेको बताउनुभयो ।
उहाँले राजनीतिक जागरणको हिसाबले पनि सुदूरपश्चिम क्षेत्र उद्गमस्थल भएको जिकिर गर्नुभयो ।
