काठमाडौं । राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले देशव्यापी आन्दोलनको चेतावनी दिनुभएको छ । राप्रपाको संसदीय दलको बैठकपछि पत्रकारहरुसँग बोल्दै शाहीले नेपालमा गाई, गोरु मार्नेलाई तीन वर्षको जेल सजायको स्पष्ट कानून रहेको भन्दै अपराधीलाई सजाय नभए धरानमा सुरु भएको आन्दोलन सिंहदरबारसम्म आइपुग्ने चेतावनी दिनुभयो ।
उहाँले कानूनको पालना गराउने काम सरकारको भएको भन्दै नेपालको कानूनमा उल्लेख भएको कुरा लागू नगर्ने, दुई चार जनाले पैसा दियो भन्दैमा गृहमन्त्री चुप लागेर बस्न नमिल्ने टिप्पणी गर्नुभयो ।
शाहीले आमाबुबा मारेपछि घरमा चुप लागेर बस्ने कायर राप्रपा नभएको उल्लेख गर्दै धरानको अपराधमा जनजाती जस्तो देखिने देशका धर्म बेचेका केही अराजकवादी यूरोपीयन यूनियनका डलरवादीहरुको संलग्नता भएको दाबी गर्नुभयो ।
