रुपन्देही । समाजवादी मोर्चा नेपालको सन्देश सभा कार्यक्रमलाई मंगलबार बुटवलमा सम्बोधन गर्दै नेपाल कम्युनिस्ट पार्टीका महासचिव नेत्रविक्रम चन्द (विप्लव) नेपाली समाजमा हिजो उत्पिडन, हेपाहा र सामन्तवादलाई हिजो लडेर नेपाली जनताले नयाँ परिवर्तन ल्याएको बताउनुभयो ।
नेपाल र नेपाली समाजलाई दलाल पुँजीवादले मुठ्ठीभर कब्जा जमाएर बसेको बताउँदै जनताले सुरक्षित र आर्थिकरुपमा बलियो भएर जीवन निर्वाह गर्न नपाएको उल्लेख गर्दै अब यसलाई चिर्नैपर्ने आवश्यकता रहेको औल्याउनुभयो ।
महासचिव विप्लवले प्रधानमन्त्री प्रचण्डको बचाउ गर्दै देशको कार्यकारीलाई आज दलालहरुले बदनाम गर्नको लागि दुईवटा बिषयलाई झुड्याउन खोजेको भन्दै के माओवादी हत्यारा हो रु के यहि हो सत्य रु भनेर प्रश्न गर्नुभएको थियो ।
साथै उहाँले प्रचण्डलाई सरकार निर्धक्क भएर चलाउन र नडराएर सदन चलाउन मनोबललाई उत्प्रेरित गर्दै सडकबाट आफुहरुले जस्तोसुकै समय चुकाउन तयार रहेको बताउनुभयो। साथै उहाँले एमसिसीलाई कुनै पनि हालतमा अस्विकार गर्दै यद्यपि नेपालका ठाउँठाउँमा अमेरिकाले क्याम्प खडा गरेर साम्राज्यवाद स्थापित गर्न खोजेमा समाजवादी मोर्चा नेपाल लड्ने चेतावनी दिनुभयो ।
नेता विप्लवले देशीविदेशी राजनीतिक दललाई अहिले गठन भएको मोर्चा मन नपरेको दावी गर्नुभयो ।
