काठमाडौं । नेपाली कांग्रेसका नेता नैनसिंह महरले चीन सरकारले प्रकाशन गरेको नक्सामा नेपालको चुच्चे भाग ९नक्शा० समावेश नगरिनु चीनको त्रुटिपूर्ण ब्यबहार भएको र यसलाई सच्याउन नेपाल सरकारले कुटनैतिक नोट पठाउनु पर्ने बताउनु भएको छ ।
नेपाली कांग्रेसका भातृ संस्था नेपाल महिला संघ, तरुण दल र ने.वि.संघका नेताहरूसंग काठमाडौंमा शुक्रबार भएको छलफल कार्यक्रममा बोल्दै नेता महरले चीन नेपालको असल छिमेकी हो तर नेपालको सहमति विना सन् २०१५ मा चीन र भारतले लिपूभज्याङ मार्गबाट दुई देशीय ब्यापार सम्झौता गरेको घटना र चीनले अहिले प्रकाशन गरेको नक्सामा चुच्चे भाग नराख्नुले चीनसँग नेपालको सिमा समस्या रहेको कुरा स्वयम चीनको ब्यवहारबाटै प्रष्ट भएको छ ।
नेता महरले भूगोल र जनसंख्याको हिसावले कुनै मुलुक सानो र ठुलो भएपनि सार्वभौसत्ता , राष्ट्रिय अखण्डता र स्वाधीनता भने सबै देशको समान हुने बताँउदै एक छिमेकीले अर्को छिमेकीको सम्मान गर्नुपर्नेमा जोड दिनुभयो ।
ऐतिहासिक तथ्यले समेत नेपाल र नेपाली जनताले कसैको बिराउने काम नगरेको बताउदै उहाँले भन्नुभयो नेपालको सार्वभौम संसदले पास गरेको चुच्चे नक्शा चीनले आफ्नो नक्शामा समावेश नगरेको घटनाले नेपालीको चित्त दुखेको र यथाशक्य छिटो कुटनीतिक वार्ता गर्न र चुच्चे भुभाग सहितको नक्शा प्रकाशनका लागि चीनलाई सहमत गराउन सरकारले तत्परता देखाउने पर्ने बताउनुभयो ।
