काठमाडौं । प्रधानमन्त्री पुष्पकमल दाहाल प्रचण्डले संयुक्त राष्ट्रसंघीय महासभामा नेपालको शान्तिप्रक्रिया टुङ्गाउनका लागि अन्तराष्ट्रिय समूदायसंग अपिल गर्ने बताउनुभएको छ ।
शनिबार पार्टी कार्यालय पेरिसडाडामा आयोजित पोष्ट बहादुर बोगटीको नर्वौ स्मृति कार्यक्रममा प्रधानमन्त्री प्रचण्डले शान्ति प्रक्रियालाई टुङ्गाएर सफल उदाहरण प्रस्तुत गर्नुपर्ने भन्दै यसका लागि अन्तराष्ट्रिय समूदायसंग अपिल गर्ने बताउनुभएको हो ।
त्यस्तै जलवायु परिवर्तनले नेपाल जस्तो पर्वतीय मुलुकमा पारेको असरप्रति पनि अन्तराष्ट्रिय समूदायको ध्यानाकर्षण गराइने उहाँले बताउनुभयो ।
प्रधानमन्त्री प्रचण्डले चीन भ्रमणका क्रममा दुई पक्षीत हित लगाएत भौतिक पूर्वाधार , ऊर्जा क्षेत्र नयाँ नाका खोल्ने, कृषि क्षेत्र र व्यापार घाटाका बिषयमा छलफल हुने र केहि बिषयमा सहमति र समझदारी बन्ने जिकिर गर्नुभयो । आफ्नो भ्रमण राष्ट्रिय हितलाई केन्द्रमा राख्ने गरि नै हुने उहाको भनाइ छ ।
त्यस्तै प्रचण्डले आफुले सरकारको नेतृत्व गरिरहदा सुशासन समृद्धि लगाएतमा नयाँ फड्को हान्नका लागि तयारी गरिरहेको पनि बताउनुभयो ।
