देउखुरी । लुम्बिनी प्रदेशका मुख्यमन्त्री डिल्ली बहादुर चौधरीले नेपाली महिलाहरूको महान पर्व हरितालिका (तीज)को पावन अवसरमा स्वदेश तथा विदेशमा रहनुभएका सम्पूर्णमा शुभकामना व्यक्त गर्नुभएको छ । उहाँले भन्नुभयो, ,तीज पर्वले नेपाली दिदी बहिनीहरूमा सुख, शान्ति, समृद्धि, पारिवारिक एकता, सदभाव र पारस्परिक सम्बन्ध कायमका लागि सहयोग पुगोस ।
परापूर्व कालदेखि मनाइदै आएको हरितालिका तीज धर्म, संस्कृति संरक्षणको पक्ष बनेको छ । भाद्र शुक्लपक्ष तृतीयाका दिन पर्ने यस पर्वमा महिलाहरूले भगवान शिव—पार्वतीको पूजा आराधना गर्दै आफ्नो सौभाग्य, परिवारको सुख, सुस्वास्थ्य र दीर्घायुको कामना सहित उपवास बस्नाले मनोकामना पूरा हुने विश्वास छ ।
सनातन सांस्कृतिक पर्वको रूपमा नेपाली महिलाहरुले हरितालिका तीज पर्वलाई मनाउँदै आएका छन । उहाँले भन्नुभयो, ,यस्ता सांस्कृतिक पर्वहरूले सबै प्रदेशबासीको बीचमा विविधतामा एकता, धार्मिक सहिष्णुता तथा सामाजिक सद्भाव कायम गर्न सहयोग पुर्याउने विश्वास लिएको छु ।
साथै उहाँले हरितालिका तीजको महत्व, परम्परा, मौलिकतालाई कायम राख्दै यसको सांस्कृतिक महत्वको जगेर्ना गर्न सकियोस् । पर्वमा देखिने गरेको भड्किलोपन र खर्चिलोपनको अन्त्य होस्, भन्दै शुभकामना ब्यक्त गर्नुभएको छ ।
