काठमाडौं । जापानी अन्तरराष्ट्रिय संस्थाले तिलोत्तमा नगरपालिकाका प्रमुख रामकृष्ण खाँडलाई अन्तरराष्ट्रिय संगठनको सदस्यता प्रदान गरेको छ । "शान्तिका लागि मेयरहरु" नामक जापानी अन्तरराष्ट्रिय संस्थाले मेयर खाँडलाई संगठनको सदस्यता प्रदान गरेको हो ।
प्रमुख खाँडलाई उक्त संस्थाका अध्यक्ष एवं जापान स्थित हिरोशिमा नगरपालिकाका मेयर माट्शूइ काजूमीले मेयर खाँडलाई एक कार्यक्रममा बीच सदस्यताको प्रमाणपत्र प्रदान गरिएको थियो ।
प्रमाणपत्रका साथै हिरोशिमाका मेयर काजूमीद्वारा मेयर खाँडलाई प्रेषित पत्रमा शान्तिपूर्ण विश्व निर्माण गर्नका निम्ति खाँडको सहयोग तथा समर्थन आवश्यक रहेको उल्लेख गरिएको छ । जापानी मेयर काजूमीले मेयर खाँडको सुस्वास्थ्य एवं समस्त तिलोत्तमा नगरको विकास एवं समृद्धिको कामना गरेका गर्नुभएको छ।
हिरोशिमा दक्षिणी जापानस्थित एक ठूलो शहर हो । यस शहरमा द्वित्तीय विश्वयुद्धताका सन् १९४५ अगस्त ६ तारिखका दिन अमेरिकाले पहिलो आणविक बम खसालेको थियो, जसका कारण १ लाख ४० हजार जापानीहरुको मृत्यु भएको थियो ।
तत् समयमा ठूलो विध्वंश मच्चिएको शहर भएता पनि जापानीहरुको अथक परिश्रम एवं अन्तरराष्ट्रिय विकास सहयोगले आज ७७ वर्षपछि त्यहि हिरोशिमाले संसारका विकसित शहरहरुको सूचीमा आफूलाई उभ्याउन सफल भएको छ ।
