रोल्पा। नेपाल सांस्कृतिक महासंघ रोल्पाको तेस्रो अधिवेशन हुन लागेको छ। नेपाली कांग्रेसको भातृ संस्था अन्तर्गत रहेको नेपाल सांस्कृतिक महासंघ रोल्पाको तेस्रो अधिवेशन असोज २७ गते शनिबारका दिन रोल्पा उद्योग वाणिज्य संघको हल लिबाङ्मा हुन लागेको नेपाल साँस्कृतिक महासंघ जिल्ला कार्यसमिति रोल्पाका सभापति सागर बाबु पुनले जानकारी दिनु भएको छ।
लोकतान्त्रिक समाजवादको लागि लोकतान्त्रिक संस्कृति भन्ने मुल नाराका साथ नेपाल सांस्कृतिक महासंघ रोल्पाको तेस्रो अधिवेशन हुन लागेको हो। कार्यक्रमलाई संविधान सभा सदस्य एवम् नेपाली कांग्रेस लुम्बिनी प्रदेशका सभापति अमरसिंह पुन र लुम्बिनी प्रदेश सरकारका स्वास्थ्य मन्त्री एवम् नेपाली कांग्रेस लुम्बिनी प्रदेशका उप-सभापति माननीय राजु खनालले सम्बोधन गर्ने बताइएको छ।
पुनको प्रमुख आतिथ्यता र खनालको विशिष्ट आतिथ्यतामा कार्यक्रम हुन लागेको बताइएको छ। कार्यक्रममा केन्द्रिय कलाकारहरुको समेत उपस्थित हुने जनाइएको छ।
जसमा लोक तथा दोहोरी गायिका राधिका हमला,लोक तथा दोहोरी गायिका भुमसरी पुन,लोक तथा दोहोरी गायिका शिलु भट्टराई,लोक तथा दोहोरी गायक सुनिल थापा र नेपाल सांस्कृतिक महासंघका केन्द्रिय महामन्त्री एवम् हास्य कलाकार शिवशंकर रिजाल(जोगिन्दर पानवाला)लगायले आफ्नो प्रस्तुति राख्ने बताइएको छ।
साथै उक्त कार्यक्रममा केन्द्रिय कलाकारहरुको प्रस्तुतिसँगै नेपाल सांस्कृतिक महासंघ रोल्पा र रोल्पा नगरपालिका तथा सबै गाउँपालिबाट सहभागी भएका स्थानीय प्रस्तुति समेत रह्ने छ’ आयोजकले भनेको छ।
