अर्घाखाँची।अर्घाखाँची नेपाली कांग्रेस महासमिती सदस्य छनोटका लागि निर्वाचन हुने भएको छ । जसको लागि शुक्रबार उम्मेदवारी दर्ता भएको हो । कात्तिक १५ गते हुने निर्वाचनमा खुल्ला ५ जनाको लागि ९ जनाको उम्मेदवारी परेको छ ।
जसमा कमलप्रसाद भुसाल, जम्शेर मियाँ, जयबहादुर टण्डन, नन्दराम भट्टराई, विष्णु (मुस्कान)खनाल रामबहादुर विसी, रेवती भुसाल, लेखनाथ पोख्रेल र सुर्यप्रसाद अधिकारीको उम्मेदवारी परेको निर्वाचन समितीले जनाएको छ ।
खसआर्य पुरुष तर्फ पिताम्बर खनाल र श्यामनाथ काश्यप गरी २ जनाको उम्मेदवारी परेको कांग्रेस अर्घाखाँचीले जनाएको छ । खसआर्य महिलातर्फ अम्बिका पोख्रेल र चन्द्रा गैरे, जनजातितर्फ ताराप्रसाद श्रेष्ठ, मुक्तिराम श्रेष्ठको उम्मेवारी परेको हो । खुला महिला तर्फ शान्ता भण्डारी र निर्मला क्षेत्री सर्वसम्मत हुनुभयो भने दलिततर्फ मनिराम परियार सर्वसम्मत हुनुभएको छ । निर्वाचनबाट निर्वाचित महासमिती सदस्य महासमिती बैठकमा भाग लिन जान पाउँनेछन् ।
