अर्घाखाँची । घरेलु तथा साना उधोग कार्यालय अर्घाखाँचीको आयोजनामा सदरमुकाम सन्धिखर्कमा रहेका दुईओटा पानी उद्योग र केहि होल्सेल खाद्यायन पसलको बजार अनुगमन गरिएको छ ।

सन्धिखर्कको गञ्छे बजारमा रहेको अर्घाखाँची पानी उद्योग र बागीखोलामा रहेको अर्घापानी उद्योग सन्धिखर्क २ चुत्राबेशीमा रहेका गल्ला तथा किराना पसलमा अनुगमन गरिएको कार्यालय प्रमुख सन्तोष खनालले बताउनुभयो । चिनीको मुल्य १ सय १५ रुपँया किलोमा बिक्री गरेको पाइएमा, बजारमा कतै चिनीको कालोबजारी भए जानकारी गराउन उहाँले आग्रह गनुभयो । दुबै पानी उद्योगको सरसफाइलाई ध्यान दिन आग्रह गरिएको छ ।

अनुगमनको क्रममा धेरै पुँजी भएर कम पुँजी देखाउनेलाई सुधार गर्न लगाएको र पसलहरुमा मुल्यसुची नराखेकालाई एकहप्ता भित्र राख्न सुझाव दिएको सहायक प्रमुख जिल्ला अधिकारी मेघनाथ पाध्यले जानकारी दिनुभयो । चेम्बर अफ कमर्शका लिलाधर बस्याल , उधोग बाणिज्य संघका साजन ओली, जिल्ला प्रहरी कार्यालयका टेक बहादुर ठाडा लगायतको सहभागीता रहेको थियो ।