बुटवल । अर्घाखाँचीको मालारानी गाउँपालिका ५ बागीको शान्ति मा.वि हिरक महोत्सवको पुर्व सन्ध्यामा शान्ति मा.बि.मा पढेका र बागीबाट बुटवल आई बसोबास गरेका सबै सरोकारवालाहरु बिचको अन्तरक्रिया कार्यक्रम शनिबार नवीन औद्योगिक मा.वि बुटवलमा सम्पन्न भएको छ ।
प्रदेश सभा निवर्तमान सदस्य निर्मला क्षेत्रीको प्रमुख आतिथ्यतामा भएको कार्यक्रमको उदेश्यबारे प्र.अ मान बहादुर पाण्डेले प्रकाश पार्नुभएको थियो ।
कार्यक्रममा सम्पर्क समाजका अध्यक्ष बाबुराम खनाल, पुर्ब जि.शि.अ डबल बहादुर बस्नेत, राजनीतिक ब्यक्तित्व गोबिन्द के.सी, खिम बहादुर बि क, पुर्ब प्र.अ कुल बिक्रम खनाल, पुर्ब शिक्षक निमानन्द भुसाल, नवीन औद्योगिक मा.वि का प्र.अ प्रेम बस्नेत, प्राध्यापकहरु डा.अरुण क्षेत्री,डा.दुर्गा भुसाल समाजका पुर्ब अध्यक्ष भोज बहादुर खड्का , इन्जिनियर अरुण खनाल समाजसेवी खिमानन्द आचार्य लगायतले शुभकामना व्यक्त गर्नुभएको थियो ।
साथै विद्यालयको हीरक महोत्सव सम्बन्धि अन्तर्क्रिया कार्यक्रममा स्व. चेत वहादुर खड्काको स्मृतिमा मालारानी-५। कर्णमारे निवासी उहाँकी श्रीमती लिल कुमारी खड्का लगायत घरपरिवारबाट एक लाख एघार हजार एक सय एघार राशीको अक्षयकोष स्थापना गरिएको थियो ।
त्यस्तै स्व. चोपनारायण आचार्यको स्मृतिमा मालारानी-५। भिरमुनी निवासी छोरा खिमानन्द आचार्य र श्रीमती टिकादेवी आचार्यबाट एकाउन्न हजार एक सय पचास तथा स्व. विर बहादुर आचार्यको स्मृतिमा मालारानी-५। भण्डार निवासी छोराहरु किशोर आचार्य र ओमप्रकाश आचार्य श्रीमती मनि आचार्यबाट पचास हजार पाच सय राशिको अक्षयकोष स्थापना गरिएको थियो ।
बागी सम्पर्क समाज रुपन्देहीको समन्वयमा भएको कार्यक्रम मालारानी वडा नम्बर ५ का अध्यक्ष तिलक मिश्रको अध्यक्षता र शिक्षक वसन्त खड्काको सन्चालनमा भएको थियो ।
