काठमाडौं । मुलुकको पहाडी क्षेत्रमा आइतबार हर्षोल्लासपूर्वक फागुपर्व मनाइँदैछ । एकापसमा रंग लगाएर मनाइने होलीलाई आपसी भाइचारा र मित्रताको पर्व मानिन्छ । तराईका जिल्लामा भने सोमबार होली मनाइँदैछ ।
यद्यपि यो रमाइलो पर्व मनाउँदा स्वास्थ्यको भने ख्याल राख्नुपर्छ । रंग लगाउँदा आँखा र छालाको सुरक्षामा विशेष सावधानी अपनाउनुपर्छ । धेरैले होलीमा छालाको समस्यालाई लिएर चिन्ता लिने गर्छन्। तर छालासँगै आँखामा समेत जोखिम हुन्छ । आँखा हाम्रो शरीरको सबैभन्दा संवेदनशील अंग हो ।
यसको अर्थ यो रंगीन मौसममा रंगमाथि ब्रेक लगाउनुपर्छ भन्ने पनि होइन । आँखाको सुरक्षाको लागि कालो चस्मा लगाएर होली खेल्न चिकित्सकहरु सुझाउँछन् । सिधै आँखामा रंग पर्दा यसले गम्भीर संकट निम्त्याउन सक्छ । होलीको रंगीन माहोलमा खुसी भित्र्याउँदै आफ्नो शरीरलाई पनि हानि नपुर्याउन केही कुरा ध्यान दिनु जरुरी छ ।
– सबैभन्दा पहिले निश्चित रासायनिक रंगबाट सुरक्षित भए नभएकोमा निश्चित हुनुपर्छ । यी रंगहरू तपाईंको छाला र तपाईंको आँखाको लागि निकै हानिकारक हुनसक्छन् । त्यसैले तिनीहरूबाट टाढा राख्नु यो नै स्वास्थ्यका लागि लाभदायक मानिन्छ ।
– यदि तपाईं कसैलाई रंग लगाइरहनुभएको छ भने पहिले यकिन गर्नुहोस् कि तपाईंले कसैलाई जबर्जस्ती गर्नुहुन्न । किनकि यस्तो अवस्थामा रंग पनि आँखामा जान सक्छ ।
– यदि र रंग तपाईंको आँखामा गएको छ भने यसलाई बिल्कुल नराख्नुहोस् । किनभने त्यसो गर्दा तपाईंको आँखा खराब हुन सक्छ ।
– सर्वप्रथम आँखालाई सफा पानीले धुनुहोस् र आँखामा बारम्बार पानी छर्किनुहोस् ।
– सनग्लास प्रयोग गर्न नबिर्सनुहोस् । किनकि यसले तपाईंको आँखामा हुनसक्ने रंगबाट बचाउन मद्दत गर्छ ।
– यदि तपाईंको आँखा धेरै चिढचिढिएको छ वा तपाईंको आँखा रातो भएको छ भने तुरुन्त चिकित्सकलाई सम्पर्क गर्नुहोस् ।
बालबालिकालाई होलीमा जोखिम
होलीका लागि भनेर बालबालिकामा रंग र पानीको फोहोरालाई लिएर विशेष किसिमको उत्साह देखिन्छ । गल्ली(गल्लीमा बालबालिका रंग र लोलामा रमाइरहेका देखिन्छन् ।
होली बालबालिकाको लागि जति रोमाञ्चक छ, उति नै जोखिमपूर्ण पनि हुन्छ । किनकि रंगकै मामलामा भएको सानो असावधानीले पनि बालबालिकाको जीवनमा ठूलै समस्या निम्त्याउन सक्छ ।
त्यसैले, बालबालिकाको साथमा होलीको तयारी गर्दा उनीहरुलाई सुरक्षाबारे पनि सिकाउनुपर्छ ।
