अर्घाखाँची । लायन्स क्लब अफ काठमाण्डौ ढिकुरा र लायन्स क्लब काठमाण्डौ अटल पिगलास्थानको सक्रियतामा आज आगलागीमा परि घरगोठ जलेर नष्ट भएका धारापानी ,ढाकाबाङ्ग र ढिकुराका आगलागी पिडित स्थानिय र जनप्रतिनिधिलाई सन्धिखर्कमा राहत वितरण गरिएको छ ।
क्लबले भुमिकास्थानको, धारापानी , ढाकाबाङ्ग , ढिकुरा , असुरकोट ,छत्रदेब,केरुङ्ग, पाणिनि मैदान , गरि झन्डै १९ घरपरिवारलाई लगाउने केहि थान कपडा , साबुन लगायतका समाग्री हस्तारण गरिएको लायन्स क्लब अफ काठमाण्डौ ढिकुराकी अध्यक्ष गिता भट्टराई भुसालले बताउनुभयो ।
आगलागीबाट लत्ता कपडा नष्ट भएका कारण प्रभावित परिवारले अत्यन्तै कष्टकर जीवन बाँच्नुपरेको अवस्थामा लायन्स क्लब काठमाण्डौ अटल पिगलास्थान प्रदान गरेको सहयोगले जीवनयापन गर्न सहज हुने लायन्सकी अध्यक्ष शान्ता अर्यालले जानकारी दिनुभयो ।
उहाँहरुको सक्रियतामा जम्मा गरेको सामाग्री भुमिकास्थान नगरपालिका नगरपालिका वार्ड नं. १ का अध्यक्ष गोपाल खनाल , धारापानी ,ढाकाबाङ्ग सन्धिखर्क सम्पर्क मञ्चका अध्यक्ष तुल्सीराम खनाल , लायन्स क्लब अफ काठमाण्डौ ढिकुराकी अध्यक्ष गिता भट्टराई भुसाल, लायन्स क्लब काठमाण्डौ अटल पिगलास्थान अध्यक्ष शान्ता अर्याल लगायतको उपस्थिती रहेको थियो ।
यस्तै केहिदिन अघि पनि लायन्स क्लबले राहत स्वरुप एक हजार लिटरको पानी ट्यान्की ,सिरक डसना , प्रेसर कुकर गरि प्रती परिवार २५ हजार बराबरको सामाग्री वितरण गरेको थियो ।
राहत सामाग्रीको लागी लायन्स क्लब केन्द्रबाट ३ लाख, जिल्लाबाट १ लाख आर्थिक सहयोग गरि ४ लाखको राहत सामाग्री वितरण गरिएको हो । क्लबले जिल्लाको विभिन्न क्षेत्रमा रचनात्मक तथा सहयोगका कार्यहरू गर्दै आइरहेको छ ।
