अर्घाखाँची । अर्घाखाँचीको छत्रदेव गाउँपालिकाको आयोजनामा गाउँसभा संचालन, ब्यवस्थापन, कानुन निर्माण तथा योजना तर्जुमा प्रक्रिया सम्बन्धी दुई दिने तालिम सुरु भएको छ ।
छत्रदेव गाउँपालिकाका अध्यक्ष, उपाध्यक्ष, प्रमुख प्रशासकिय अधिकृत, वडा अध्यक्ष, कार्यपालिका सदस्य, वडा सदस्य, कार्यालयमा रहेका सबै कर्मचारीहरुलाई छत्रदेव गाउँपालिकाका पुर्व अध्यक्ष लेखनाथ पोख्ररेलले प्रशिक्षण दिदैँ गाउँपालिकाले योजना बनाउँदा आम नागरिकलाई प्रभाव पार्ने र कार्यान्वयन गर्न सहज हुने खालका योजना छनोट गर्न आवश्यक रहेको बताए ।
उनले संघ र प्रदेश सरकारले स्थानिय तहलाई अधिकार प्रत्यायोजन गर्न नसक्दा स्थानीय तहले सोचेअनुसार काम गर्न नसकेको बताए ।
सोही कार्यक्रममा प्रशिक्षण दिदैँ अधिवक्ता झंकर बहादुर कुँवरले गाउँसभा संचालन, ब्यवस्थापन, कानुन निर्माण लगायतका विषयमा प्रशिक्षण दिदैँ बजेट आउने स्रोत, बजेटका प्रकार, आन्तरिक राजस्वका स्रोत लगायतका विषयमा प्रशिक्षण दिएका थिए ।
