बिराटनगर । कोशी प्रदेशका मुख्यमन्त्री हिक्मतकुमार कार्कीले विपक्षी दललाई विश्वासको मत माग्दै पत्र पठाएका छन् । कार्कीले विश्वासको मत लिनुअघि नेपाली कांग्रेस, माओवादी केन्द्रसहित प्रतिपक्षी दललाई लिखित पत्र पठाएका हुन् ।
आज बस्ने प्रदेश सभा बैठकमा मुख्यमन्त्री कार्कीले विश्वासको मत लिंदैछन् । माओवादी केन्द्र र जसपाले सरकार छाडेपछि अल्पमतमा परेका कार्कीले तेस्रो अधिवेशनको पहिलो बैठकमा विश्वासको मत लिने कार्यसूची रहेको छ ।