काठमाडौँ । नेपाली कांग्रेसका केन्द्रिय सदस्य एनपी साउदले आउँदै गरेको २०८४ सालको निर्वाचनका लागि पार्टी हालसम्म तयारी अवस्थामा नरहेको बताउँदै गम्भीर चिन्ता व्यक्त गरेका छन्। आइतबार ललितपुरको सानेपामा भइरहेको पार्टीको केन्द्रीय कार्यसमिति बैठकमा उनले संगठनात्मक कमजोरी, पार्टीको आधार तह कमजोर हुनु, र संवेदनशील राजनीतिक भूमिका निर्वाह गर्न कांग्रेस असक्षम बन्न पुगेको औँल्याए ।
पूर्व परराष्टमन्त्री साउदले, “हेर्दाहेर्दै ०८४ पनि नजिक आइपुगेको छ, तर काँग्रेस त्यसका लागि तयार छैन । गैर–काँग्रेस मतहरूबाटको दूरी बढिरहेको छ, जुन हाम्रो मत घट्ने संकेत हो ।” उनले राजनीतिक दलहरू मात्र होइन, संविधानमाथि नै आक्रमण भइरहेको भन्दै कांग्रेसले स्पष्ट आवाज उठाउनुपर्ने पक्षमा जोड दिए ।
यसअघि पनि साउदले कांग्रेसलाई ‘मिसन ०८४’ भनाउने छुट नभएको र २०७९ को जनादेशले पार्टीलाई राजनीतिक रूपमै मोटो आधार दिएको बताएका थिए। उनले “कांग्रेसले ०८४ कुर्नु होइन, अहिलेबाटै जनताको अपेक्षा अनुसार काममा कटिबद्ध हुनुपर्छ” भने ।
यो टिप्पणीले कांग्रेसभित्र रणनीतिक तयारी र संगठनात्मक पुनर्संरचनाको आवश्यकता तीव्रता स्वरूप उजागर भएको छ। आगामी निर्वाचन तथा पार्टीको महाधिवेशन अगाडि साउदको यी सुझावहरूले आबश्यक सुधारका लागि दबाब कायम गर्ने अपेक्षा गरिएको छ ।
