काठमाडौं – नेपाली कांग्रेसका महामन्त्री गगनकुमार थापा र नेता सुदन गुरुङबीच शीतल निवासमा छोटकरी भेटवार्ता भएको छ।
गुरुङले थापासँग जम्मा ३र४ मिनेटजति मात्रै कुराकानी गरेका भए पनि जेनजी आन्दोलनपछि प्राप्त उपलब्धीहरूको संरक्षणका लागि सहयोग गर्न आग्रह गरेका छन्।
गुरुङका अनुसार, आफूले थापालाई आन्दोलनले जनधनको ठूलो क्षति पु¥याएको तर केही महत्वपूर्ण उपलब्धी पनि दिलाएको बताउँदै, त्यसलाई जोगाउन कांग्रेस नेतृत्वको भूमिका महत्त्वपूर्ण हुने संदेश दिएका थिए। ‘त्यस्तो केही लामो कुरा भएन, मैले भनेँ – पुरानै पाराले अब हुँदैन।
जेनजी आन्दोलनले ल्याएका उपलब्धीहरू रक्षा गर्न सहयोग गर्नुस्,’ गुरुङले भने। थापाले समेत आफू जेनजी आन्दोलनलाई नजिकबाट नियालीरहेको र पार्टीभित्र पनि त्यसकै भावनाअनुसार परिवर्तनका पहल भइरहेको जवाफ दिएको गुरुङको भनाइ छ।
‘उहाँले पार्टीभित्र जेनजीकै शैलीअनुसार अघि बढ्न काम भइरहेको बताउनुभयो,’ गुरुङले थपे। गुरुङले थापाबाहेक शीतल निवासमा अन्य नेतासँग भेटवार्ता नभएको स्पष्ट पारे।
