काठमाडौँ । नेपाली काँग्रेसका सभापति शेरबहादुर देउवाले पार्टीको समसामयिक विषयमा छलफल गर्न पदाधिकारी बैठक बोलाएका छन् । उनले आज अपराह्न ४ बजे आफ्नो निजी निवास धुम्बाराहीमा पदाधिकारी बैठक बोलाएको देउवाका प्रमुख स्वकीय सचिव भानु देउवाले जानकारी दिए ।
काँग्रेस केन्द्रीय कार्यसमितिको बैठकका निर्णयको आवश्यक तयारीका लागि पदाधिकारी बैठक बोलाएको बताइएको छ । यही साउन २ गतेदेखि जारी कांग्रेस केन्द्रीय समिति बैठक बुधबार साउन १० गते अपराह्न ४ बजे बस्ने तय भएको छ । एक वर्षपछि बसेको केन्द्रीय समिति बैठक महत्वपूर्ण निर्णय गर्दै बुधबार समापन गर्ने तयारी छ ।
