काठमाडौं l नेपाली कांग्रेस लुम्बिनी प्रदेशका सह-महामन्त्री **बिष्णुप्रसाद खनाल (मुस्कान)**ले २०७९ को समानुपातिक बन्दसूचीबाट आफ्नो नाम हटाइदिन पार्टी केन्द्रीय सभापतिसमक्ष औपचारिकरूपमा निवेदन दिएका छन्।
निवेदनमा उनले २०७९ प्रदेशसभा निर्वाचनमा खस-आर्य कोटाअन्तर्गत लुम्बिनी प्रदेशको २ नम्बरमा नाम परेको भए पनि आगामी २०८२ फागुन २१ गते हुने प्रतिनिधि सभा निर्वाचनमा अर्घाखाँचीबाट प्रत्यक्ष प्रतिस्पर्धा गर्ने मनसायका कारण बन्दसूचीबाट नाम हटाउन अनुरोध गरेका छन् ।
खनालले उक्त निर्णय पूर्णरूपमा स्वेच्छाले लिएको स्पष्ट गर्दै, नाम फिर्ता भएको जानकारी औपचारिक रूपमा प्राप्त हुनेमा विश्वास व्यक्त गरेका छन् । संगठनमा दीर्घकालीन सक्रियता र प्रभावशाली भूमिकाका कारण खनाललाई अर्घाखाँचीमा संभावित प्रतिनिधि सभा उम्मेदवारका रूपमा हेरिएको छ ।
