काठमाडौं । नेकपा माओवादी केन्द्रको केन्द्रीय समिति बैठक शुरु भएको छ । कमलादीस्थित नेपाल प्रज्ञा प्रतिष्ठानको सभाहलमा बुधबार दिउँसो बैठक शुरु भएको हो । बैठकको शुरुवात गर्दै अध्यक्ष पुष्पकमल दाहाल प्रचण्डले माओवादी अहिले पार्टीजस्तो नभएको टिप्पणी गर्दै उहाँले गठबन्धन सरकारले जनताको पक्षमा काम गरेको भन्दै केन्द्रीय समिति बैठकले अझ प्रभावकारी बनाउनुपर्ने बताउनुभयो ।
उहाँले पार्टी चुनौतीपूर्ण अवस्थामा रहेको भन्दै यसलाई अवसरको रुपमा बदल्नुपर्ने सुझाव दिनुभयो । त्यसका लागि कमीकमजोरी स्वीकार्न डराउन नहुने पनि बताउँदै बैठकमा प्रस्तुत हुने राजनीतिक र सांगठनिक प्रतिवेदन अध्यक्ष एवं प्रधानमन्त्री पुष्पकमल दाहाल ‘प्रचण्ड’ले तयार पारेको जनाईएको छ।
यता पार्टी अध्यक्ष प्रचण्डको निर्देशनमा उपाध्यक्षद्वय कृष्णबहादुर महरा, अग्निप्रसाद सापकोटा र उपमहासचिव वर्षमान पुनले राजनीतिक प्रतिवेदनको मस्यौदा बनाएका छन् भने पार्टी महासचिव देव गुरुङ र अर्का उपमहासचिव तथा पार्टी संगठन विभाग प्रमुख जनार्दन शर्माले सांगठनिक प्रतिवेदनको मस्यौदा बनाएको उल्लेख छ ।
