अनिल नेपाली,अर्घाखाँची l नेपाल कम्युनिष्ट पार्टी बिप्लब निकटको सामना सांस्कृतिक परिवारले अर्घाखाँचीको सन्धिखर्कमा साँस्कृतिक कार्यक्रम प्रस्तुत गरेको छ ।सामना जनसंगित अभियान २०८० सम्पन्न गर्न कपिलबस्तु ,दाङ्ग ,प्युठान , हुँदै अर्घाखाँची आएको सामना साँस्कृतिक परिवार पश्चिम लुम्बिनी ब्युरोको एक टोलीले शुक्रबार सन्धिखर्कमा विभिन्न जनवादि गीत तथा नृत्यहरू प्रस्तुत गरेको हो ।

सांस्कृतिक संयोजक देवराज सिंले यतिबेला राष्ट्र राष्ट्रियता ,जनतन्त्र ,जनजिविकाका सवाल संकटमा पर्दै गएको , राष्ट्रघाँती सम्झौता पास गरेर देशलाई बिदेशिको ईशारामा नेपाली जनता माथि बह्रमलुट गरी आफ्नो कर्म थलो बनाउन खोजेको भन्दै देश भर सामना सांस्कृतिक परिवारले गीतको माध्यमबाट जनता जगाउँदै हिडेको बताउनु भयो ।

त्यसै गरि कार्यक्रममा नेकपा बिप्लबका पार्टी जिल्ला सल्लाहकार,जनयुद्धका घाइते अपांग प्रबास ले राष्ट्रीयताको बिषय सबैको साझा भएकोले सबै देशभक्तहरू राष्ट्र बचाउँन एक भएर अघि बड्नु पर्ने बताउनु भयो ।

उहाँले गणतन्त्रको यात्रामा आईपुग्दा समेत जनताले साँचो परिवर्तनको अनुभूति गर्न नपाएको दुख ,पीडा ,निरासा बाट सर्ब साधारण जनताहरू आज पनि आक्रान्त भएको र बर्तमान राजनिति चौबाटोमा अलपत्र परेको बटुबा जस्तै देखिएको बताउनु भयो । उहाँका अनुसार यो सांस्कृतिक अभियानले पार्टीको अगुवाईमा जिल्लाका विभिन्न ठाउँमा सांस्कृतिक कार्यक्रम प्रदर्शन गर्ने छ ।