पाँचथर– नेपाली कांग्रेसका नेता डा. शेखर कोईरालाले प्रचण्ड नेतृत्वको सरकार तत्काल परिवर्तन गर्नु पर्ने अवस्था आएको बताएका छन् ।
पाँचथर सदरमुकाम फिदिममा पत्रकारहरुसँग कुरा गर्दै कोईरालाले सरकार परिवर्तन गराउनका लागि प्रयास थालेको बताएका हुन् ।
‘प्रधानमन्त्रीले मन्त्रीहरुको रिर्पाट कार्ड माग्नु भएको छ । म प्रधानमन्त्रि जीको रिर्पाट कार्ड माग्छु’ कोईरालाले सुरुमै टिप्पणी गरेका थिए । धार्मिक, सास्कृतिक राजनीति रुपमा चारैतिर अराजकता फैलिएको उनको भनाई थियो ।
प्रधानमन्त्रि आफैले काम गर्न नसकेको बताउन थालको कोईरालाको भनाई थियो । प्रधानमन्त्रिले द्वन्द्वहिनताको अन्त, भ्रष्ट्रचार विरुद्ध बोलेको आफूले नपाएको बताए ।
‘अहिले जनता आक्रोसित, निरास छन् । त्यहिभएर गणतन्त्र, संघियता र समावेशितलाई आक्रमण गरिरहेका छन् । यो आक्रमण गणतन्त्र, संघियता प्रति नभई सबैदलको नेतृत्व प्रतिको आक्रमण, निरासा, आक्रोस हो’ काईरालाले भने ‘यो सरकार परिवर्तन गर्नु पर्ने नै भएको छ । कांग्रेसको नेतृत्वमा सरकार आयोभने जनतालाई भरोस दिलाउन सकिन्छ ।’
ससदिय दलमा बहुमत नभएकाले दलको नेता परिवर्तन गरेर आफू प्रधानमन्त्री हुने अवस्था नरहेको कोईरालाको भनाई थियो । एनसेल पनि अरु काण्डजस्तै सामसुम बनाउन खोजिएको आरोप लगाए ।
‘नयाँ नयाँ काण्ड आउछन् । अगाडी बढ्दै जादा सामसुम हुन्छ । माथिल्लो माथिल्लो ब्याक्तिमा आएपछि लुक्छ । एनसेलको अवस्था पनि यहि छ’ उनले भने ‘नेता, कर्मचार र व्यापारी नमिली ठुला ठुला भष्ट्रचार हुन सक्दैन । मुल सफा हुँदा सबैथोक ठिक हुने मुलनै सफा छैन् ।’
बैँकहरु अर्का मिटर ब्याजी बैँकहरु पनि मिटर ब्याजिनै भएको आभाष हुन् थालेको कोईरालाले बताए ।
‘मिटर ब्याजीका विरुद्ध त कानुन बनायौँ, बैककालागि पनि बनाउने दिन आएको छ’ उनले भने ‘बैँकमा पैसा छ, मान्छेले लोन लिन डराईरहेका छन् ।’
‘नेपालमा दुर्भाग्य के भएको छ भने बैँकर, उद्योग व्यवसायी एउटै छन् । एउटै व्याक्ति बैँक चलाउछ, उद्योग चलाउछ, इन्सोरेन्स चलाउछ । नेपालमात्र एउटा देश होला यस्तो भएको । यो सबै कुरालाई परिवर्तन नगर्ने हो भने थप ठुलो समस्या आउछ’ उनले भने ।
