बुटवल। नेपालीहरुको माघे संक्रान्ति तथा माधी पर्वको अवसरमा लुम्बिनी प्रदेश प्रमुख अमिक शेरचनले शुभकामना सन्देश जारी गरेका छन।
हाम्रो समाजलाई यस पर्वले सांस्कृतिक, सामाजिक, पर्यावरण तथा सद्भावपूर्ण एकताका माध्यमबाट बृहत राष्ट्रिय एकतामा बाँधिन सहयोग पुयाएको भन्दै उनले विभिन्न समुदाय बीचको सम्वन्धलाई यस्ता मौलिक पर्वले जीवन्तता दिनु गर्वको कुरा रहेको उल्लेख गरे।
धेरै जसो चाड पर्वहरु प्रकृतिसँग जोडिएको बताउदै उनले माघे संक्रान्ति तथा माघी पर्व पनि सुर्य उत्तरायण हुने परम्परासँग जोडिएको हुनाले प्रकृतिको संरक्षण तथा सम्वर्द्धनमा मानव समुदाय समर्पित हुनु पर्ने सन्देश दिएको उल्लेख गरे ।
उनले प्रकृति र मानव सम्बन्ध विकास नै आजको दिगो विकास रहेको बताए। माघे संक्रान्ति तथा मकर संक्रान्तिलाई नेपालका विभिन्न समुदायले आ-आफ्नो परम्परा अनुसार मनाउँदै आएका छन् । थारु समुदायले विशेष रुपमा माघी पर्वलाई नयाँ वर्षको रुपमा हर्षोल्लासका साथ मनाउने गर्दछन् । यो उनिहरुको विशेष पर्व हो ।
यसैगरि मगर समुदायमा पनि यस दिनलाई तीरको निशाना लगाउने खेल र कृषि बालीहरुको पूजा तथा उपभोग गरेर नयां वर्षका रुपमा मनाउँदै आएका छन् ।
