काठमाडौँ । शहरी विकासमन्त्री सिता गुरुङबाट तेह्रथुमको आठराई गाउँपालीका वार्ड १ मा निर्माण भएको “अतिथि भवनको” आइतबार समुद्धघाटन सम्पन्न भएको छ ।
मन्त्री गुरुङले आवश्यकतालाई मध्यनजर गरेर निर्माण गरिएको “अतिथि भवनको” उपयोग र संरक्षणको जिम्मा अब आठराई बासिन्दालाई आएको बताउनुभएको छ । भवनको पुर्ण रुपमा सदुपयोग हुन्छ भन्ने आशा एवम् विश्वास लिएको उहाँको भनाइ छ ।
कार्यक्रममा शहरी विकास तथा भवन निर्माण विभागका महानिर्देशक सुरेन्द्र मोहन श्रेष्ठ ,सघन शहरी भवन निर्माण आयोजना धनकुटा प्रमुख सुमन मिश्र ,स्थानिय पुर्वाधार विकास निर्देशनालय ईटहरी प्रमुख दिपक कुमार दास, आठराई गाउँपालीका अध्यक्ष दिलकुमार पाहिम,उपाध्यक्ष बली राज ईङनाम ,आठराई गाउँपालीका १ का वडा अध्यक्ष प्रेमराज फोम्बो ,जनप्रतिनिधि, समाजसेवी, सर्वसाधारण लगायतको सहभागिता रहेको थियो ।
