काठमाडौं । प्रतिनिधि सभाका सभामुख देवराज घिमिरेले आज संसदीय दलका सचेतकहरुसँग छलफल गर्ने हुनुभएको छ। मंगलबार सिंहदरबार स्थित संसद् सचिवालयमा सभामुखले छलफलका लागि दलका प्रमुख सचेतक तथा सचेतकहरूलाई बोलाउनुभएको हो ।
सभामुखले आसन्न संसद्को हिउँदे अधिवेशन लगायतका समसामयिक विषयमा छलफल गर्न लागेको सभामुखको सचिवालयले जनाएको छ ।
यसअघि सभामुख घिमिरेले संसदीय समितिका सभापतिहरुसँग पनि छलफल गर्नुभएको थियो । छलफलका लागि नेकपा एमालेका सचेतक महेश बर्तौला, माओवादी केन्द्रका सचेतक हितराज पाण्डेलगायतका सिंहदरबारमा पुग्नुभएको छ ।
