काठमाडौं । उपप्रधान तथा गृहमन्त्री नारायणकाजी श्रेष्ठसँग छलफल गर्न सातै प्रदेशका आन्तरिक मामिला तथा कानूनमन्त्रीहरु सिंहदरबार पुगेका छन् ।
सातै प्रदेशका आन्तरिक मामिला मन्त्रीहरु, गृहसचिव, सुरक्षा निकायका प्रमुखहरु र मन्त्रालयका सह सचिवहरुबीच अहिले छलफल जारी रहेको छ ।
प्रहरी समायोजन ऐनका विषयमा उनीहरूले गृहमन्त्री नारायणकाजी श्रेष्ठसँग छलफल गरिरहेको गृहमन्त्री श्रेष्ठको सचिवालयले जनाएको छ ।
नेपाल प्रहरी (प्रदेश प्रहरी कार्यसञ्चालन र समन्वय) ऐन २०७६ जारी भएको लामो समय बित्दासमेत समायोजन अघि बढ्न सकेको छैन।
प्रधानमन्त्री पुष्पकमल दाहाल प्रचण्डले १५ दिनभित्रमा प्रदेश प्रहरी समायोजन ऐन ल्याउन निर्देशन दिएका छन् । तर, काम अघि बढ्न सकेको छैन् ।
