काठमाडौँ । निर्वाचन आयोगले आगामी वैशाख १५ देखि २० गतेभित्र उपनिर्वाचनको मिति तोक्न सरकारलाई सिफारिस गर्ने तयारी गरेको छ ।
त्यसका लागि आइतबार साढे १२ बजे निर्वाचन आयोगको पदाधिकारी बैठक बस्दैछ । यसबीचमा निर्वाचन आयोगले मतदाता नामावली अद्यावधिक गर्ने काम गरेको र फागुनको १७ गतेखि रुजु सुरु गरिने जनाएको छ ।
आयोगका अनुसार वैशाखको १५ देखि २० गतेभित्र मिति तोक्न सिफारिस गर्ने गरी प्रक्रिया अघि बढेको छ। आजै आयोग पदाधिकारीको बैठक बसेर यसबारे छलफल गर्ने आयोगको तयारी छ ।
आयोगका अनुसार वैशाखको १५ अगाडि उपनिर्वाचनको मिति तोक्न कठिन छ। मतदाता नामावली अद्यावधिक र रुजु गर्न चैतको २२-२३ गतेसम्म लाग्ने र त्यसपछि निर्वाचनको प्रक्रिया सुरु गर्दा वैशाख १५ पुग्ने छ । यसबीच उपनिर्वाचनबारे प्रधानमन्त्रीसँग पनि परामर्श भइसकेको जनाइएको छ ।
