काठमाडौं । नागरिक उन्मुक्ति पार्टी (नाउपा)ले सुदूरपश्चिम प्रदेश सरकारलाई दिएको समर्थन फिर्ता लिने निर्णय गरेको छ ।
पार्टी अध्यक्ष रन्जिता श्रेष्ठले दिएको जानकारीअनुसार संघमा रहेको गठबन्धनलाई निरन्तरता दिने भएपछि प्रदेशमा पनि त्यहीँ अनुरुप पार्टी अघि बढ्ने छ ।
“संघको निरन्तरता प्रदेशमा हुन्छ । सुदूरपश्चिम प्रदेश सरकारमा पनि त्यही हुन्छ,” उनले भनिन् । पार्टीको आज टीकापुरमा अध्यक्ष श्रेष्ठको नेतृत्वमा बैठक बसेको थियो ।
बैठकले सो निर्णय गरेको उनले जानकारी दिइन् । सुदूरपश्चिममा कोमलबहादुर शाह नेतृत्वको कांग्रेसको सरकार छ ।
