काठमाडौं । जारी नगरसभामा काठमाडौं महानगरपालिकाका मेयर बालेन्द्र साहलाई नगर सभा सदस्यहरूले घेरेका छन् ।
राष्ट्रिय सभा गृहमा जारी नगरसभा बैठकमा सहभागी जनप्रतिनिधिहरूले मेयर साहमा निरंकुश चरित्र देखिएको भन्दै कडा आलोचना गरेका छन् ।
मेयर साहलाई सुझाव दिँदा वा केही टिप्पणी गर्दा सामाजिक सञ्जालमा थेगिनसक्नु गाली खानुपरिरहेको उनीहरूले बताएका छन् ।
मेयर साहले केही महिनाअघि सिंहदरबार जलाउँछु भनेर दिएको सार्वजनिक अभिव्यक्तिलाई लिएर पनि बैठकमा आलोचना भएको हो ।
नगरसभा सदस्य अनिता कार्की ढोलीले आफ्ना भना राख्ने क्रममा मेयर साहले सिंहदरबार जलाउँछु भन्दा महानगरबासीले मेयरकै दरबार जलाए भने के होला ? भनेर प्रश्न गरेकी छन् ।
‘प्रमुखज्यू जुन कुर्सीमा बसिराख्नु भएको छ, त्यो कुर्सीको अधिकार संविधान र कानुनले निर्धारण गरेको हो’, उनले भनिन्, ‘जुन अधिकार सिंहदरबारले दिएको हो । कसैले पनि व्यक्तिगत रिसइबी साँध्न सिंहदरबार जलाउँछु भन्नु भयो। यदि तपाईंले ऐस आराम गरेर बस्ने भव्य दरबार महानगरबासीले जलाए भने के हुन्छ ? यसबारे केही सोच्नु भएको छ ? दलहरूको विकल्प दलहरू नै हुन सक्छन्, कोही एउटा व्यक्ति हुँदैन ।’
उनी माओवादीका तर्फबाट निर्वाचित जनप्रतिनिधि हुन् । कार्की ढोलीले माओवादीले देशमा परिवर्तन गरेको बताउँदै त्यसलाई अवमूल्यन नगर्न पनि बालेनलाई चेतावनी दिएकी छन् ।
