काठमाडौँ । नागरिक उन्मुक्ति पार्टी (नाउपा) संसदीय दलको नेतामा गङ्गा चौधरीलाई चयन गरिएको छ ।
केन्द्रीय अध्यक्षसमेत रहेकी रञ्जिता श्रेष्ठलाई संसदीय दलको नेताबाट हटाएर चौधरीलाई चयन गरिएको हो । दलको प्रमुख सचेतक रहेकी चौधरीलाई बहुमत सांसदले संसदीय दलको नेता चयन गरेका हुन् ।
प्रमुख सचेतक पदमा रहेका गंगाराम चौधरी डगौरालाई फेरबदल गरि लालविर चौधरीलाई प्रमुख सचेतकको पदमा राख्ने निर्णय सर्वसहमतीबाट पारित गरिएको छ ।
नाउपाका चार सांसदमध्ये गङ्गा चौधरी, अरुण चौधरी र लालवीर चौधरीले रञ्जिता श्रेष्ठलाई उक्त जिम्मेवारीबाट हटाएका हुन् ।
नागरिक उन्मुक्ति पार्टीको आईतबार बसेको संसदिय दलको बैठकमा बहुमत सदस्यहरुको उपस्थितिमा श्रेष्ठलाई हटाउने निर्णय गरिएको थियो ।
