काठमाडौं - संघीय संसद्अन्तर्गत राष्ट्रिय सभाको बैठक बस्दैछ। बैठक मध्याह्न सवा १२ बजे शुरु हुनेछ।
बैठकमा विनियोजित शीर्षकहरूमध्ये छलफलमा उठेका प्रश्नहरुको सम्बन्धित मन्त्रीले जवाफ दिने कार्यसूची रहेको संसद् सचिवालयले जनाएको छ।
विनियोजन विधेयक, २०८१ अन्तर्गत वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय, शहरी विकास मन्त्रालय, उद्योग, वाणिज्य तथा आपूर्ति मन्त्रालयमा विनियोजित शीर्षकमध्ये छलफलमा उठेका प्रश्नको सम्बन्धित मन्त्रीहरूले जवाफ दिनेछन्।
यस्तै कृषि तथा पशुपक्षी विकास मन्त्रालय, भौतिक पूर्वाधार तथा यातायात मन्त्रालय, संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय, स्वास्थ्य तथा जनसंख्या मन्त्रालय, परराष्ट्र मन्त्रालयका जवाफ मन्त्रीहरूले दिनेछन्।
