काठमाडौं । नेपाली कांग्रेसकी केन्द्रीय सदस्य एवम कांग्रेसको पेशागत तथा बुद्धिजीवी विभाग प्रमुख डा.डिला संग्रौलाले स्वर्गीय प्रदिप गिरीले अवलम्वन गर्नुभएको विचार अपरिहार्य भएको बताएकी छिन् । उनले काङ्ग्रेसलाई गिरिजिको विचारले सहि मार्गमा लान पनि मद्धत गर्ने बताइन ।
नेपाली कांग्रेसको पेशागत तथा बुद्धिजीवी विभागले बिहिवार काठमाडौमा आयोजना गरेको समाजवादी चिन्तक स्व.प्रदिप गिरीको स्मृतिमा ‘प्रजातान्त्रिक समाजवादस् वर्तमान र भविष्य विषयक अन्तरक्रियामा डा.संग्रौलाले प्रदिप गिरीबाट व्यक्त विचारहरु सँधै अमर रहने बताइन् ।
नेता सङ्रौलाले भनिन्,‘कुनै संघसंस्थामा होस या पार्टीभित्र जनताको पिरमर्काको सम्बोधन हुनुपर्छ भनेर जनताको प्रिय हुनुहुन्थ्यो प्रदिप गिरी । महिलाहरुलाई नेतृत्वमा आउनुपर्छ भनेर समावेशीको पक्षमा हुनुहुन्थ्यो । युवाले पार्टी हाँक्नुपर्छ र अग्रज बौद्धिक वर्गले दिएको विचारलाई पार्टी र सरकारले आत्मसाथ गर्नुपर्छ भन्नुहुन्थ्यो । उहाँ नेपाली काग्रेसको मात्र नभएर समग्र नेपाली जनताको अभिभावक हुनुहुन्थ्यो ।
