काठमाडौँ । पछिल्लो समय कर्मचारी राष्ट्रिय सभा अध्यक्ष‚ उपाध्यक्ष तथा प्रतिनिधिसभा सभामुख‚ उपसभामुख सहित सांसदहरूको विदेश यात्राको मोह बढेको छ ।
२०७४ सालको आम निर्वाचन पश्चात् संघीय संसद्का ९६ जना सांसदहरूले विदेश यात्रा गरेका छन् । सो अवधिमा ५४ जना सांसदको स्वकीय देखि संसद् सचिवालयका कर्मचारीहरू विदेश भ्रमणमा गएको संसद् सचिवालयले जानकारी गराएको छ ।
संघीय संसद् सचिवालयले जारी गरेको तंथ्याकअनुसार राष्ट्रिय सभा अध्यक्ष‚ उपाध्यक्ष तथा प्रतिनिधि सभा सभामुख‚ उपसभामुखसहित ९६ जनाले विदेश भ्रमण गरेका हुन् ।
यसले आफ्नो देशको नागरिकहरूमा सकारात्मक सन्देश गएको भने मान्न सकिन्न । त्यस कारण माथिल्लो ओहोदाका व्यक्तिको विदेश भ्रमण समय-समयमा चर्चा, विवाद र आलोचनाको विषय बन्ने गरेको छ ।
अध्ययन, सेमिनार आदि विभिन्न कार्यक्रममा सहभागी हुन माथिल्लो ओहोदाका व्यक्तिहरू विदेश जाने गरेका गर्छन् । कर्मचारीहरू सित्तैमा घुम्न पाइने, गतिलो भत्ता उपलब्ध हुने आदि कारण उनीहरू विदेश भनेपछि हुरुक्क हुने गरेको विदेश जान नपाएका माथिल्लो ओहोदाकै व्यक्तिहरू बताउने गर्छन् ।
संसद् सचिवालयका अनुसार २२ भदौ २०७५ मा पहिलो पटक सभामुख कृष्णबहादुर महरा सहित सांसदहरू शान्तिमाया तामाङ‚ रंगमती शाही‚ उमा शंकरअरगरिया‚ एकवाल मियाँ‚ दुर्गा पौडेल चाइना गएका थिए । ‘चाइना तिवेत टुरिजम कल्चर’ नामक कार्यक्रममा उनीहरू ५ दिने भ्रमणमा चाइना गएका थिए ।
२०७९ को आम निर्वाचन अघि अन्तिम पटक भने ०५ मङ्सिर २०७९ मा राष्ट्रिय सभा अध्यक्ष गणेश तिमल्सिना सहित सांसदहरू डा.विमला राई पौड्याल र खिमलाल देवकोटा विदेश गएका थिए ।
४३ औँ अन्तर संसदीय महासभामा भाग लिन उनीहरू ५ दिनका लागि कम्वोडिया गएका थिए । भ्रमण टोलीमा राष्ट्रिय सभा सचिव राजेन्द्र फुयाँल‚ उपसचिव प्रदीप गुरागाईँ‚ शाखा अधिकृत पवन महत‚सिनियर अहेब डा.पुष्पराज रिजाल थिए ।
तालिमको लागि विदेश जानुलाई नराम्रो भन्न मिल्दैन । तर विदेश भ्रमणसँगै हुने सरकारको करोडौँको अनियमितता, दोहोरो सुविधा लिने प्रवृत्ति, अनावश्यक शीर्षकमा विदेश जानेहरूका कारण उनीहरू स्वयम् बदनाम छन् । यस्ता विषयमा छानबिन र भ्रमणसम्बन्धी निश्चित मापदण्ड ल्याएर त्यसलाई कार्यान्वयन गराउन सके मात्र भ्रमणको उपयोगिता साबित हुने देखिन्छ ।
सूचीसहित हेर्नका लागि तलको लिकंमा क्लिक गर्नुहोस :
