काठमाडौं । वरिष्ठ अधिवक्ता एवम् संविधानविद् डा.भीमार्जुन आचार्यले अहिले देशमा सरकार नै नभएको टिप्पणी गरेका छन् ।
उनले मौसमविद्हरुले सम्भावित खतराको जानकारी र चेतावनी समयमै दिँदापनि देशमा भएका तीन तहका सरकारको जिउँदो उपस्थिति कहीँकतै नदेखिएको उनको आरोप छ ।
उनले आफू बुवाको तिथिको लागि सडकमार्ग हुँदै गृहजिल्ला दाङ पुगेको उल्लेख गर्दै नारायणगढ बुटवल खण्डको सडकको अवस्था देख्दा त देशमा सरकार नामको कुनै चीज नै छैन जस्तो लागेको टिप्पणी गरेका छन् ।
आचार्यले फेशबुकमा लेखेका छन्,
यसपटक मौसमविद्हरूले सम्भावित खतराको जानकारी र चेतावनी समय मै दिएका थिए । यसका बाबजुत कुनै पनि तहका सरकारको जिउॅंदो उपस्थिति कहिंकतै देखिएन । बुवाको तिथिका लागि सडकमार्गबाट म दाङ आएको छु । नारायणगढ बुटवल खण्डको सडक अवस्था देख्दा सरकार नामको कुनै चीज यो देशमा छ जस्तो लागेन । यो सडक यस पटकको विपतले यस्तो हालत बनाएको होइन । सरकार बिहिनताका कारण वर्षो देखि यही हालतमा छ । विपतको समयमा संयमता त अपनाउ तर शासन सत्तालाई यो हदसम्मको उन्मूक्ति नदिउॅं । सबैतिरबाट खबरदारी गरौं ।
