काठमाडौं । नेपाली कांग्रेसका सभापति शेरबहादुर देउवाले पार्टीको केन्द्रीय नीति, अनुसन्धान तथा प्रशिक्षण प्रतिष्ठानमा १८ जना सदस्यहरु नियुक्त गरेका छन् ।
कांग्रेसको विधान, २०१७ (संशोधन सहित) को धारा ३६ (१) (ग) बमोजिम देउवाले पार्टीका केन्द्रीय सदस्य पूर्णबहादुर खड्का प्रमुख रहेको विभागमा सदस्यहरु नियुक्त गरेका हुन् ।
नियुक्त हुनेहरुमा कविराज पण्डित, जगदीशचन्द्र पोखरेल, छन्दबहादुर पहराई, विजुला वर्मा, डा.केदारनरसिंह के.सी, रिना उप्रेती (के.सी), वीरेन्द्र यादव, डा.कृष्णप्रसाद पौडेल, भरत प्रसाई, कमल कार्की, बलदेव तिमिल्सीना, डोलराज भुसाल, प्रताप पौडेल, हजारी नेपाली (वादी), विश्वदिप लामिछाने, नाहिदा परविन, भवानी पन्त, अनार बस्नेत रहेका कांग्रेस पार्टी कार्यालयका मुख्यसचिव कृष्ण प्रसाद पौडेलद्धारा जारी विज्ञप्तिमा उल्लेख गरिएको छ ।
