बुटवल । बुटवल उपमहानगरपालिकाले प्लाष्टिकजन्य फूल तथा मालामा प्रतिबन्ध लगाएको छ ।
बुटवल उपमहानगरपालिकाका प्रमुख खेलराज पाण्डेयले आउँदै गरेको नेपालीहरुको महान पर्व शुभ दिपावली (तिहार) तथा छठ पर्व २०८१ को पावन अवसरमा सम्पूर्ण नगरबासी आमाबुवा, दाजुभाइ तथा दिदिबहिनीहरुमा शुभकामना व्यक्त गर्नुभएको छ ।
उहाँले चाडपर्वको अबसरमा प्लाष्टिकजन्य फूल तथा माला प्रयोग गर्दा वातावरण प्रदुषण हुने र मानव स्वास्थ्यमा नकारात्मक असर पर्ने देखिएकोले उपमहानगरपालिका क्षेत्रभित्र यसको प्रयोगलाई निरुत्साहित गरी स्थानीय उत्पादनलाई प्रोत्साहन गर्न सबैलाई अनुरोध गर्नुभयो ।
साथै शुभ दिपावली (तिहार) तथा छठ पर्वमा स्थानीय उत्पादित फूल तथा मालाको प्रयोग गर्न सबैलाई अनुरोध गरिएको बुटवल उपमहानगरपालिका प्रमुख खेलराज पाण्डेयद्वारा जारी प्रेस बिज्ञप्तिमा उल्लेख गरिएको छ ।
