काठमाडौं । नेकपा एमालेका अध्यक्ष एवं प्रधानमन्त्री केपी शर्मा ओलीले कांग्रेस एमालेको समीकरण २०८४ मंसिरसम्मै कायम रहने जिकिर गरेका छन् ।
पार्टीले दरबारमार्गमा आयोजना गरेको जागरण सभामा सम्बोधन गर्दै प्रधानमन्त्री ओलीले सरकार ढल्ने भ्रम फैलाइएको भन्दै आश्वस्त पार्ने प्रयास गरेका हुन् ।
‘मेरो अवधि २०८३ असारसम्म हो, त्यसपछि म प्रधानमन्त्री पद शेरबहादुर देउवाजीलाई हस्तान्तरण गर्छु । त्यसपछि उहाँले १८ महिना चलाउनुहुन्छ ।’ ओलीले भने, ‘भ्रम नराख्नुस ढुक्कले अघि बढ्नुस् । सरकार र समीकरण कुनै हालतमा टुट्दैन ।’
जति झुटको प्रचार गरे पनि नेपाली जनता भ्रममा नपर्ने ओलीको भनाई छ । ‘कांग्रेस र एमाले प्रतिस्पर्धी हुन् तर प्रतिस्पर्धा भन्दा महत्वपूर्ण कुरा अहिले एकता हो ।’ ओलीले भने, ‘संविधान मास्न, अराजकता सिर्जना गर्न, देशलाई अफ्ठेरोमा पार्न खोजिएको छ । त्यसैले हामी एक हुन बाध्य भएका हौं ।
