काठमाण्डौ । नेपाली कांग्रेस केन्द्रीय कार्यसमितिको २०८१ श्रावण २३ देखि भाद्र १६ सम्म बसेको बैठकको निर्णय बमोजिम सांगठनिक गतिविधि प्रभावकारी बनाउन २०८१ असोज ७ मा प्रारम्भ भएको ‘१०० दिने विशेष अभियान’ राष्ट्रिय एकता तथा मेलमिलाप दिवसको दिन यही पौष १६ मा समापन हुन लाग्दैछ । अभियान सफल बनाउन जुट्नु भएका सबै आदरणीय साथीहरूमा नेपाली कांग्रेस बधाई व्यक्त गर्दछ ।
केही जिल्लामा प्राकृतिक प्रकोपको असर, कतिपय जिल्लामा स्थानीय तह उपचुनावका कारण अभियान थाल्न भएको ढिलाई र अन्य विविध कारणले केही जिल्लामा ‘१०० दिने बिशेष अभियान’ को तोकिएका कार्य सम्पादन हुन सकेका छैनन्, ती जिल्लाहरूले सहिद दिवसका दिन १६ माघ २०८१ समापन गर्ने गरि समयावधि थप गरिएको छ ।
जिल्लामा तोकिएका केन्द्रीय प्रतिनिधि, प्रदेश कार्यसमिति, जिल्ला कार्यसमिति लगायतका सबै समिति र सम्बद्ध सबैलाई थप अवधिमा सांगठनिक रूपले काम गर्न/गराउन निर्धारित सबै कार्यहरू व्यवस्थित रूपले अघि बढाउन मुख्यसचिव कृष्ण प्रसाद पौडेलद्धारा जारी विज्ञप्तीमा उल्लेख गरिएको छ ।
