बैतडी । गृहमन्त्री रमेश लेखकले बुधबार डडेल्धुरामा आयोजित पार्टी कार्यकर्तासँगको भेटघाट कार्यक्रममा नेकपा (एमाले) र कांग्रेसबीचको गठबन्धन सन् २०८४ को चुनावसम्म निरन्तरता दिनुपर्ने औँल्याउनुभएको छ। प्रधानमन्त्री केपी शर्मा ओलीको नेतृत्वमा गठित सरकार एक वर्ष पुरा हुँदै गर्दा लेखकले आगामी एक वर्षपछि कांग्रेस सभापति शेरबहादुर देउवाले प्रधानमन्त्रीको जिम्मा सम्हाल्ने समय आउँने बताए। “८४ को निर्वाचन शेरबहादुर दाइले गर्नुहुन्छ,” उहाँले जोड दिनुभयो ।
गृहमन्त्री लेखकले मुलुकमा कांग्रेस र एमालेको गठबन्धन एकमात्र विकल्प भएको र त्यसलाई निरन्तरता दिन वर्तमान सरकारको प्रत्येक गतिविधि, कार्यक्रम र काम कारबाहीसमेत यस अनुरूप अघि बढ्नुपर्ने बताउनुभयो। साथै उहाँले आफूमाथि राजनीतिक षड्यन्त्र खेलेर कमजोरी र आरोप लगाउने प्रयास भइरहेको बताउँदै, “एउटा कार्यालयका कर्मचारीमाथि छानबिन गर्दा मन्त्रीलाई नै जोड्नुको नियत स्पष्ट छ,” भन्नुभएको छ ।
उहाँले सुदूरपश्चिमको विकासका लागि सरकारले उच्चस्तरीय समन्वय र समितिमार्फत अध्यागमनसम्बन्धी समस्या समाधानमा जुटिरहेको जानकारी दिनुभयो ।
