काठमाडौँ । चर्चित गायक दुर्गेश थापाले युट्युबमा नयाँ उचाइ छुँदैछन् । उनको नयाँ गीत ‘जाने भए जाम माया’ बुधबार बेलुका सार्वजनिक भएसँगै शुक्रवार दिउँसोसम्म अचेलै रूपमा ३० लाखभन्दा बढी पटक हेरिएको छ। गीतले युट्युब ‘ट्रेन्डिङ’को शीर्ष स्थान तत्क्षणै ओगटेको छ।

यस गीतमा दुर्गेश थापा र सिसन बानियाँको स्वर छ भने म्युजिक भिडियोमा गायक दुर्गेश, बानियाँ, गुराँस नानी र पेम्बा लामाले अभिनय गरेका छन्।

गत पुस महिनामा सार्वजनिक भएको दुर्गेशको लोकप्रिय गीत ‘दुश्मन हेरेको हेरै’ ले युट्युबमा १० करोड ७३ लाखभन्दा बढी भ्यूज बटुलेको थियो  । उक्त गीतलाई पाँच महिनाभित्र १० करोड भ्यूज पुग्दा प्रधानमन्त्री केपी शर्मा ओलीले समेत सामाजिक सञ्जालमार्फत बधाई दिएका थिए  ।

दुर्गेश थापाका अनुसार, “भ्यूज मात्र होइन, दर्शक÷स्रोताले दिएको सम्मान सपना पूरा भएको क्षण हो ।” उनको यो सफलताले साङ्गीतिक यात्रामा नयाँ मोड आएको आभाष दिलाएको छ।

थापाले आगामी दिनमा यस्ता सिर्जनात्मक कार्यलाई निरन्तरता दिंदै देश–विदेशका मेला–महोत्सवमा सक्रिय सहभागिता जनाउने योजना बनाइरहेका छन् । युट्युबबाट पनि स्थिर आम्दानी भैरहेको र ‘दुर्गेश थापा’ च्यानलमा सस्क्राइबर संख्या १० लाख नाघेको छ ।