काठमाडौं । नेपाली कांग्रेसका सांसद तेजुलाल चौधरीले, सुर्तीजन्य पदार्थमा कर बढाउन आवश्यक रहेको बताउनुभएको छ ।
आइतबार काठमाडौंमा आयोजित नेपाल अर्बुद रोग निवारण संस्थाको ४१ औँ वार्षिकोत्सव समारोहलाई सम्बोधन गर्दै, उहाँले सुर्तीजन्य पदार्थमा कर नबढाएसम्म देशको उत्पादन बन्द गर्न नसकिने भन्दै कर बढाउन आवश्यक रहेको बताउनुभएको हो ।
उहाँले भन्नुभयो,‘सुर्तीजन्यपदार्थको ट्याक्स बढाउने कुरा अगाडि बढिरहेको छ । जब सुर्तीजन्य पदार्थको ट्याक्स बढाउन सकिँदैन । तबसम्म हाम्रा सुर्तीजन्य पदार्थको उत्पादन बन्द हुन सक्दैन् ।
यही ट्याक्सबाट हामीले धेरै उपलब्धि हासिल गर्न सक्छौं।’ उहाँले सरकारले गर्नु पर्ने जति काम अझै पनि गर्न नसकेको स्वीकार गर्नुभयो । बजेट आउनुभन्दा पहिले तीन चार महिना व्यापक रुपमा लाग्दा अहिलेसम्म पनि सफलता पाउन नसकेको उहाँको गुनासो छ ।
