पोखरा । नेपाली कांग्रेसका सभापति शेरबहादुर देउवाले अरु पार्टीसँग मिलेर सरकार बनाउनुपर्ने बाध्यता रहेको बताउनु भयो । उहाँले सरकार गठनका निम्ति सबै पार्टी कांग्रेससँग आउनुपर्ने बताउनु भयो ।

नेपाली कांग्रेस गण्डकी प्रदेश समितिको पोखरामा सुरु प्रथम सम्मेलनलाई सम्बोधन गर्दै सभापति देउवाले भन्नुभयो ‘यो संविधानअनुसार एक पार्टीको बहुमत पुर्‍याउन धेरै सजिलो छैन, धेरै गाह्रो छ। यसैले कुनै न कुनै पार्टीसँग मिलेर सरकार बनाउनुपर्ने बाध्यता छ। त्यसैले अहिले हाम्रो पार्टीको आकर्षक सिद्धान्तलाई मानेर सबै पार्टीहरु मिलेर आएका छन् । त्यस मानेमा हाम्रो पार्टीको जीत भएको मान्नुपर्छ हामीले।’

पूर्वप्रधानमन्त्री समेत रहेका देउवाले कांग्रेसलाई बहुमतको पार्टी एकजुट हुनुको विकल्प नरहेको बताउनुभयो । ‘हाम्रो पार्टी अहिले सबैभन्दा ठूलो पार्टी भएको छ। भोलिका दिनमा अझ ठूलो पार्टी बहुमतै ल्याउन बनाउनेतिर लाग्न आग्रह गर्नुभयो । 

जसरी भएपनि पार्टीलाई एक बनाउनुपर्नेमा जोड दिदै आपसमा मेलमिलाप गराएर एकता बनाएर सबैभन्दा ठूलो पार्टी बनाउन उहाँले नेता कार्यकर्तालाई निर्देशन दिनुभयो । 

पुर्ब प्रधानमन्त्री समेत हुनुभएका देउवाले देशभर नै कांग्रेसमा उत्साह देखिएको बताउनुभयो । प्रदेश सम्मेलनबाट कांग्रेसमा उत्साह देखिएको प्रस्ट हुने उनको दाबी छ ।