बुटवल । पूर्व राजा ज्ञानेन्द्र शाहले पृथ्वीनारायण शाहको सालिक अनावरण गरेका छन् ।
जिल्ला स्थित शिवराज नगरपालिका – ३, खरेन्द्रपुरमा नवनिर्मित मेटलको सालिक उनले अनावरण गरेका हुन् । वटुकले स्वस्ति शान्ति पाठ गरेसँगै धार्मिक विधिपूर्वक उद्घाटन गरेका थिए । नाति हृदयेन्द्रसंगै यहाँ आएका उनले खरेन्द्रपुरमा रहेको वालहंस साङ्गवेद गुरुकुलमा पूजाआजा पनि गरेका थिए । गुरुकुलबाट हिडेर सालिक अनावरण स्थलमा पुगेका थिए ।
शिवराज नगरपालिकाले निर्माण गरेको पृथ्वीनारायण शाहको सालिक अनावरणका लागि भैरहवाबाट हुलाकी सडक हुदै आएका उनको स्वागतका लागि बर्रोहिया, तौलिहवा, बहादुरगञ्ज र चन्द्रौटामा सर्वसाधारणको बाक्लो उपस्थिति रहेको थियो ।
सालिक अनावरणका लागि राखिएको कार्यक्रममा नगरपालिका प्रमुख अजय थापा स्वागत गरेका थिए ।उक्त शालिक शिवराज नगरपालिकाको २५ लाख लागतमा बनाईएको हो ।
